Facebook Twitter YouTUBE


Baş saife  >  Derc  >  Haberler  >  4 Qural ay 2017, 18:05

HSN: “Ukrinform”da ecnebiy musafirlerge eski kostümlerniñ unikal nümünelerini taqdim ettiler

Mayıs 4 künü “Ukrinform” haber agentliginde HSN ve OUTLOOK ukrain halqınıñ medeniy irişmelerinden birisini taqdim etmek içün ecnebiy musafirler içün “Ukrainian Embroidery. Step in Time” adlı tedbirni keçirdiler.

Ukraina haber siyaseti Naziriniñ Birinci muavini Emine Ceppar, tedbirni açaraq qayd etti: “HSN içün plan – “Ukrinform”da ecnebiy jurnalistler raatlanuvı ve işi içün qoşma meydan yaratmaq – oñaytlı yerleşüv, launc-zona, tehnika ile iş zonası. Bu, devletniñ bedava servisi. Bundan da ğayrı, er künü biz Ukrainanıñ promotsiyasından faalliklernen toldurmağa tırışamız. Bugün – özellik temsili olğan ananeviy ukrain vışıvankası bayramı”.

“OUTLOOK leyhası er daim  büyük istek ile böyle teşebbüslerge qoşula. Bizim halqımıznıñ irişmeleri ve medeniy muvafaqiyetleri aqqında nam-şuret tarqatmaq – aynı zamanda hoş ve itibarlı. Ecnebiy jurnalistler, bu tedbirni ziyaret etip, Ukrainanı daa teren ögrenmege istek tapmasını isteymiz. Dünyağa biz aqqında aytacaq şeylerimiz çoq”, - dep qayd etti OUTLOOK leyhasınıñ baş müdiri Dariya Karâkina.

Tedbir ketişatında, eski köstümlerniñ unikal nümüneleri mahsus «Ukrainian Embroidery. Step in Time» temsil tedbiri içün «Ukraina Аntiqua» gallereyasınıñ saipleri İğor Tureyskıy ve Maksim Oçkur tarafından berildi.

Zemaneviy ukrain modası dizayner Yuliya Magdiçniñ anterlerinen taqdim etilecek. Yuliya Magdiç öz brendinde ukrain milliy traditsiyalarınıñ estetikasını ve yañı cetsed modasını birleştirdi.

“Zernâtko” balalar vokal-horeografik ansambli (Resmiy reber Raayisa Zakletska), R.Gliyera adına Kiyev sanat institutınıñ banduristler kapellasınıñ reberi İrına Radionova, öz icadında zemaneviy muzıkanı ve ananeviy ukrain melodikasını bağlağan “Vroda” ukrain pop taqımı şeñ ukrain yırlarınen tedbirniñ muzıkal ozğaruvını yaratacaq.

Hatırlatamız, “Eurovision-2017” çerçivesinde Ukraina haber siyaseti Nazirligi istekliler ve teşkilâtlar iştiragı ile ukrain etnik, tarihiy ve medeniy irişmeleri taqdim etilüvinden ve ileriletüvinden tedbirler keçirüvini keçire. Bu maqsatnen, mayısnıñ 1-den 14-nece Ukrinform “ArtHub”ında “Eurovision-2017” yır yarışınıñ keçirilmesi vaqtında Ukrainanı ziyaret etecek ecnebiy KHV içün tedbirler keçirilecek.

 


Cedvel