Facebook Twitter YouTUBE


Baş saife  >  Derc  >  İlânlar  >  28 Çiçek ayı 2017, 17:04

4-ci mayısta saat 13.00-te ecnebiy musafirler içün “Ukrainian Embroidery. Step in Time” adlı tedbir keçirilecek

1

Mayıs 1-14 devamında “Ukrinform”, “Eurovision”ğa kelgen ecnebiy jurnalistlerniñ işi ve qonuşması içün meydanğa çevirile. Bu vaqıt devamında, dünyada Ukraina imidjini ileriletmek maqsadınen, Ukraina haber siyaseti Nazirligi ve “Ukrinform” haber agentligi istekliler ve cemiyet iştiragı ile ukrain etnik, tarihiy ve medeniy irişmeleri taqdim etilüvinden ve ileriletüvinden tedbirlerniñ keçirilüvini planlaştıra.

Tedbirlerniñ teşkil etilmesine HSN-nen kirsetilgen ortaqlardan birisi – media ve medeniy diplomatiya saasında çalışqan OUTLOOK (www.theoutlook.com.ua) halqara leyhası oldı. Öz faaliyeti vastasınen OUTLOOK (www.theoutlook.com.ua) memleketler ve halqlar arasında yañı medeniy ve içtimaiy bağlar qurıp, dostane kontaktlar yarata.

4-ci mayısta saat 13.00-te OUTLOOK ukrain halqınıñ medeniy irişmelerinden birisini taqdim etmek içün ecnebiy musafirler içün “Ukrainian Embroidery. Step in Time” adlı tedbirni keçirecek. Milliy urbalarnı yaraştırğan ananeviy nağış özünde teren temsiller ve tarihiy hazineni gizley. Eski ve zemaneviy urbalarnıñ taqdimi vaqtında, yıllarnen öz aktualligini coymağan tendentsiyalar da aks olunacaq. Asırlar evel olğanı kibi, bizim zamanımızda da nağış zemaneviy ukrainler tarzınıñ ayrılmağan qısmı qala. Örnekler regionlar ve koloristika üzerinde deñişse de, öz manaca añlamınen farqlanmaylar.

“OUTLOOK leyhası er daim  büyük istek ile böyle teşebbüslerge qoşula. Bizim halqımıznıñ irişmeleri ve medeniy muvafaqiyetleri aqqında nam-şuret tarqatmaq – aynı zamanda hoş ve itibarlı. Ecnebiy jurnalistler, bu tedbirni ziyaret etip, Ukrainanı daa teren ögrenmege istek tapmasını isteymiz. Dünyağa biz aqqında aytacaq şeylerimiz çoq”, - dep qayd etti OUTLOOK leyhasınıñ baş müdiri Dariya Karâkina.

Eski köstümlerniñ unikal nümüneleri mahsus «Ukrainian Embroidery. Step in Time» temsil tedbiri içün «Ukraina  Аntiqua» gallereyasınıñ saipleri İğor Tureyskıy ve Maksim Oçkur tarafından berildi. “Daa XIX asırnıñ soñunda ve XX asırlarnıñ başında, Ukrainada nağışnıñ 200-den ziyade tehnikaları bar edi, soñra olarnıñ yerine krestik tehnikası keldi, bizim kollektsiyamızda çeşit tehnikalarnen nağışlanğan şeyler bar”, - dep bildire kollektsionerler.

Öz kollektsiyasında İ.Tureyskıy ve M.Oçkur Ukrainanıñ çeşit regionlarından dekorativ-ameliy sanatınıñ elementlerini ğayrıdan taqdim etmege tırışalar. Şimdi olarnıñ kollektsiyasında Ğarbiy Polissâdan, Poltavşçinadan, Çerniğivşçinadan, Vinnıtçinadan, Kıyivşçinadan, Çerkaşçinadan, Zakarpattâdan elementler numayış etildi. Bir çoq ekspeditsiyalarda toplanılğan şeyler, amma çoqusı da bazarlarda alışverişçilerden alınğan.

Zemaneviy ukrain modası dizayner Yuliya Magdiçniñ anterlerinen taqdim etilecek. Yuliya Magdiç öz brendinde ukrain milliy traditsiyalarınıñ estetikasını ve yañı cetsed modasını birleştirdi.

Klassik “vışıvanka”nıñ DNKsını ömürge keçirip, dizayner zemaneviy ledi içün öz “uniformasını” yarata – saba kezmeleri içün ve davet akşamları içün aktual müteşem ve şu arada adiy obrazlar.

Brendniñ ziyaret varaqası – muzeylerde, şahsiy kollektsiyalarda ve Ukraina boyunca ülkeşınas seyaatlarda tapılğan örnekler motivleri misalinen işlenip çıqarılğan ve tehnikiy baqımdan zengin olğan nağışlar.

Bugünki künde “Yuliya Magdych” brendi Avropanıñ 20 memleketinde, AQŞ, arap memleketlerinde ve 40 başqa memlekette taqdim etilgen. Yuliya Magdiç icadınıñ mühlisleri arasında – “Vogue” mecmuasınıñ müarrirleri, feşn-blogerler, arap printsessaları ve tesirli it-qızlar. “Zernâtko” balalar vokal-horeografik ansambli (Resmiy reber Raayisa Zakletska), R.Gliyera adına Kiyev sanat institutınıñ banduristler kapellasınıñ reberi İrına Radionova, öz icadında zemaneviy muzıkanı ve ananeviy ukrain melodikasını bağlağan “Vroda” ukrain pop taqımı şeñ ukrain yırlarınen tedbirniñ muzıkal ozğaruvını yaratacaq.

Tarih: 04.05.2017

Vaqıt: 13.00 – 14.00

Yer: “Ukrinform” haber agentliginiñ “ArtHub”ı (Bogdana Hmelnitskogo soq., 8/16)

Kontakt malümat: lookarchive@ukr.net; +38096972 55 48

 


Cedvel