Facebook Twitter YouTUBE


Baş saife  >  Derc  >  Haberler  >  3 Qural ay 2017, 08:05

Yuriy Stets Halqara pressa serbestligi künü dünyanı Suşçenko ve Semena işlerine diqqatını celp etmege çağırdı

Ukraina haber siyaseti Nazirligi jurnalistler telükesizligi ve olarnıñ aqqları qoruvı tarafında qattı tura – biz içün bu bir de-bir “namus kodeksi”.

Nazir Yuriy Stetsniñ sözlerine köre, bugün Mıkola Semenanıñ ve roman Suşçenkonıñ işleri – RF tarafından jurnalist zenaatına ve söz serbestligine aqqlar bozuluvınıñ misalleridir.

“Bu künde men dünya toplulığını bizim siyasiy mabus olğan jurnalistlerimizge diqqat ayırmağa çağıram. Halqara teşkilâtlarınıñ destegi, Avropa memleketleri liderleriniñ fikirleri olmasa, olarnı tez azat etip olamazmız”, - Y.Stets.

Nazir zenaatdaşlarına muracaatında qayd etkenine köre, serbestlikniñbaşqa tarafı – mesüliyetlik. Onıñ içün jurnalistlerni cemiyet aldında mesüliyetini añlamağa, jurnalistika standartlarını ve aytqanlarınıñ doñrulığını becermege, bunen beraberlikte serbestlikni ve devlet destegini duyıp, rica etemiz!

“Zemaneviy dünya içün alışıq olmağan cezasızlıq allarına baqıp ve jurnalistler telükesizligi aqqında qasevetlenip, yaqın zamanda HSN sigorta qısmında qanunğa deñişmeler teşebbüs etecek – dep bildire Haber siyaseti Naziri Yuriy Stets, - Bu mevzunı Avropa Şurası ve Ukraina jurnalistleriniñ Milliy toplulığı, media ve sigorta hadimleri ile köterecekmiz”.

Böyleliknen, HSN mecburiy sigortanıñ qanuniy doğurlanuvı vastasınen, professional faaliyette qoşma garantiyalar bermege planlaştıra.


Cedvel