Facebook Twitter YouTUBE


Baş saife  >  Derc  >  Haberler  >  2 Qural ay 2017, 16:05

Ceppar ecnebiy KHV içün ArtHub açılışında: “Biz ayrette qaldırğan Ukraina aqqında aytmaq ister edik”

Mayısnıñ 1-de “Ukrinform” haber agentliginiñ “ArtHub”ında, “Evrovision-2017”ge halqara jurnalistler içün bir sıra tedbirlerni başlap, Ukraina aqqında tarif etken “WOW, Ukraine!” sergisiniñ açılışı keçirildi.

Haber siyaseti naziriniñ Birinci muavini Emine Ceppar tantanalı açılışta qayd etti: “Biz Ukrinformnıñ “ArtHub”ını raatlıq ve iş, oñaytlıq ve oñaytlılıq içün qoşma salon yapmaq ister edik.

Bir yarım biñ ecnebiy jurnalistler “Evrovision” çerçivesinde Kiyevge kelecek, onıñ içün biz olarğa Ukraina aqqında tek siyaset, işğal ve cenk tarafından degil de, medeniyet, avropalı, zemaneviylik – ayrette qaldırğan Ukraina aqqında aytıp bermek ister edik”.

Birinci muavin qayd etkenine köre, mayısnıñ 6-7 künlerinde, HSN ve Ukrinformnen teşkil olunğan tedbirler çerçivesinde, ecnebiy jurnalistlerni qırımtatar halqınıñ adetleri ve medeniyetinen tanış etecekler. “Camala qırımtatar halqınıñ tarihı aqqında yırınen ğalebe qazandı, amma bu nasıl bir halq olğanı aqqında, onıñ turmuşı, adetleri ve medeniyeti, tili nasıl olğanı aqqında kimse bilmey. Şu sebepten, bugün Qırımda olğan tek repressiyalar baqımından ğayrı, bu halq aqqında tarif etecek başqa şeylerni de kösterecekmiz”, - qayd etti Ceppar.

Hatırlatamız, mayısnıñ 1-den 14-ne qadar “Ukrinform” haber agentliginiñ “ArtHub”ı yır yarışınıñ keçirilmesi vaqtında ecnebiy KHV vekilleriniñ işi ve qonuşması içün meydançıq olacaq lokatsiyalardan birisidir. Bu vaqıt devamında, dünyada Ukraina imidjini ileriletmek maqsadınen, Ukraina haber siyaseti Nazirligi ve “Ukrinform” haber agentligi istekliler ve teşkilâtlar iştiragı ile ukrain etnik, tarihiy ve medeniy irişmeleri taqdim etilüvinden ve ileriletüvinden tedbirler keçirüvini planlaştıra.


Cedvel