Facebook Twitter YouTUBE


Baş saife  >  Derc  >  Haberler  >  28 Çiçek ayı 2017, 11:04

HSN: ATO zonasında meskün yerlerniñ ve sıñır çizgisiniñ qoşma nezareti keçirile

Aprelniñ 27-de Ukraina haber siyaseti Nazirliginiñ devlet kâtibi Artem Bidenkonıñ ve Teleradioyayınlav meselelerinden Milliy Şura azası Serğiy Kostınskiyniñ Donets vilâyetine iş ziyareti başlandı.

Milliy televizion ve radioyayınlav sistemasınıñ stabil çalışması teminlenüvi meselelerinden Komissiya işiniñ çerçivesinde haber siyaseti ve telükesizlik içün mesüliyetli olğan strukturalarğa ziyaretler keçirile, ukrain tele- ve radiosignalınen örtülüvniñ nezareti keçirile. Hususan, Donetsk vilâyet arbiy-grajdan memurlığınıñ başlığı  Pavlo Jebrivskiynen iş toplaşuvı keçirilgen edi.

Toplaşuv vaqtında telekommunikatsion infrastrukturanıñ, dijital televizionnıñ inkişafı ve orta dalğalarda yayınlav teşkil etilüvi aqqında areketler planı qabul etildi.

 

Pavlo Jebrivskiyniñ sözlerine köre, tele- ve radioyayınlav inkişafınıñ leyhası em Donetsk vilâyetiniñ serbest territoriyalarına, em de Ukrainanen vaqtınca nezaret olunmağan territoriyalarına signal tarqatıluvına baqtırılğan. “Biz içün vilâyetniñ bütün territoriyasını signalnen kompleks şeklinde qapatmaq müim. Taqminen mayısnıñ 15-nece en biz, em teleradioayayınlav meselelerinden Milliy Şura, em de Haber siyaseti Nazirligi bütün iş süallerini çezip, iş leyhasınen çıqarmız. Şimdi ise qabul etemiz, sayıp baqamız, talil etemiz”, - qayd etti o.

Devlet kâtibi Artem Bidenko kelecek planlar aqqında aytıp berdi: “Yayınlav yañartuvı meselelerinden Komissiya qararlarına binaen meskün yerlerniñ ve sıñır çizgisiniñ qoşma nezareti keçirile – bu, tek yayınlav meselelerini ortağa çıqarmaq degil de, Ükümet üstün vazifeleriniñ becerilmesine sistem qararlar kirsetmege imkân berecek”.

Serğiy Kostınskıy regionda dijital televizion inkişafınıñ perspektivasını qayd etti: “Soñki eki yılda Donetsk vilâyeti Ukrainanıñ başqa vilâyetleri arasında radioyayınlav inkişafı üzerinde absolüt lider oldı. Komissiyanen 2017 senege işlenip çıqarılğan yayınlav inkişafınıñ yañı planı dijital televizion kirsetilmesi üzerinde de regionnı lider yapıp ola”.

 


Cedvel