Facebook Twitter YouTUBE


Baş saife  >  Derc  >  Qısqa beyanatlar  >  17 Saban ayı 2017, 14:03

HSN: Çonğardaki qulle resmiy şekilde açıldı

Bugün, martnıñ 17-de Herson vilâyetindeki Çonğar köyünde Ukraina haber siyaseti Naziri Yuriy Stetsniñ iştiragı ile, Qırım Muhtar Cümhuriyeti territoriyasına ukrain yayınlavını teşkil etmek içün qurulğan telekommunikatsion qulle resmiy şekilde açıldı. Bundan da ğayrı, tedbirde iştirak etti: Ukraina vaqtınca işğal olunğan territoriyalar ve içki yerleşken şahıslar meselelerinden Nazir Vadım Çernış; halq deputatı, Milliy Meclis reisi Refat Çübarov; teleradioyayınlav meselelerinden  Ukraina Milliy Şurasınıñ başlığı Yuriy Artemenko; Milliy Şura azası Serğiy Kostınskıy; Herson devlet vilâyetiniñ başlığı Andriy Ğordeyev.

Yuriy Stets qayd etti: “Dijital televizionğa konkurs keçirilgen soñ Çonğardaki qulleniñ yuksekligi 200 metroğa qadar köterilecek. 92-den 110-ğa qadar metroğa bu sene Çaplınkada da qulle yuksekligi köterilecek. Bundan da ğayrı, Qırımnen memuriy sıñırda daa bir qulle qurulışınıñ imkâniyeti baqıla. Yıl devamında Qırımğa yayınlağan radiostantsiyalarnıñ sayısı ekige qadar arttırılacağı beklenile”.

Milliy Şura başlığı Yuriy Artemenko haber etkeni kibi, kelecek bir qaç afta devamında regulâtor Ukraina  radiodalğaları devlet merkezinden taqminiy dijital dalğasını alacaq, kelecek ayda ise “Çonğar mültipleksinde yer aluvğa konkurs ilân etilecek”.

Qırımğa konkurs neticeleri bıyunca daimiy olaraq 4-ten 6-ğa qadar ukrain teleradiokampaniyası yayınlaycaq. Çonğar qullesinde episi işlerniñ bitirilmesi, endi bugün, signalnen qaplav aluv effektivliginiñ talili içün Qırım territoriyasına test dijital yayınlavı kirsetmege imkân berdi.

Qayd etemiz, yarımadağa şimdi 6 ukrain teleradiokampaniyası yayınlay. Bundan da ğayrı, test rejiminde, 105.0 MGts dalğalarında bericiniñ 5 kVt quvetinen “Qırım.Aqiqat” radiostantsiyası işini başladı. Tolusınen o, mayıs ayında çalışmağa başlaycaq. Şimdi Çonğardan endi Ukrain radiosınıñ bericileri – 100,7 MGts dalğasında, radio “Meydan” – 101,4 MGts, “Herson FM” – 107:8 MGts dalğalarında yayınlana.

Hatırlatamız, Herson vilâyetinde ve Qırım territoriyasına yayınlav inkişafı, Ukraina haber siyaseti Nazirligi yanındaki milliy televizion ve radioyayınlav sistemasınıñ stabil çelışması teminlenüvi meselelerinden Komissiya çerçivesinde keçirile. 2016 senesi oktâbr 21-de onıñ yañı terkibi tasdıqlandı. Komissiyanıñ başlıqları – Ukraina haber siyaseti Naziri Yuriy Stets, televizion ve radioyayınlav meselelerinden Ukraina Milliy Şura başlığı Yuriy Artemenko, vaqtınca işğal olunğan territoriyalar ve içki yerleşken şahıslar meselelerinden Nazir Vadım Çernış – oldılar.

 

 


Cedvel