Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  23 Kiçik ay 2017, 20:02

HSN: “Qırım – bu, Ukraina. Rusiye işğaline 1096 kün qarşılıq” kommunikatsion kampaniyası taqdim etildi

Fevral 23 künü “Ukrinform” haber agentliginde “Qırım – bu, Ukraina. Rusiye işğaline 1096 kün qarşılıq” kommunikatsion kampaniyasınıñ temsil tedbiri keçirildi.

Emine Ceppar, Ukraina haber siyaseti Naziriniñ Birinci muavini, Qırım haber reintegratsiyası çerçivesinde işlenip çıqarılğan kampaniyanı taqdim etti: “Bu kommunikatsion kampaniya – büyük taqim yarım yıl devamında yapqan işniñ neticesi. Onıñ çerçivesinde biz, Qırımda qarşılıq devam etkenini hatırlatmaq içün qarşılıq, repressiyalar, insan qaçıruvları meselelerini köteremiz. İşğalniñ üç yıllığı aqqında aytqanda, biz qarşılıqnıñ üçünci yılı aqqında aytamız – 1096 kün, bu künler devamında qırımlılar Rusiye işğaline qarşılıq köstereler”, - qayd etti Ceppar. Bundan da ğayrı, o, qayd etkenine köre, Rusiye işğaline qarşı Qırım qarşılığı Kününe bağışlanğan bord ve sitilaytlarnıñ yerleştirilmesi endi başlandı, olardan 200 danesi Kiyevde, qalğan 100 danesi ise regionlarda yerleştirilecek.

Ukraina tış işleri Nazirliginiñ halq ögünde keçirgen diplomatiyası idareliginiñ başlığı Anatoliy Solovey şirketniñ halqara vektorı aqqında aytıp berdi: “Qırım deokupatsiyası mevzusı – Ukraina halq ögünde keçirgen ve medeniy diplomatiyasınıñ ilk ve üstün vazifelerinden biridir. Çetel haber meydanında Qırım mevzusı daima bulunmasını teminlemek içün, bu kampaniya çerçivesinde HSN-nen işlenip çıqarılğan vizual kontent çetel memleketlerde Ukraina elçihanelerinen faal işletilecek. Toqtamamaq ve Qırım deokupatsiya mevzusını inkişaf etmege devam etmek pek müim”, - qayd etti Solovey.

Eskender Bariyev, Milliy Meclis azası, kommunikatsion kampaniyanıñ müimligini qayd etti: “Men, qırımtatar olaraq, Milliy Meclis vekili olaraq ve evine qaytalmağan insan olaraq pek acınam. Amma vaqıt tedaviyley, Qırımnı coyğanımızdan ağrı toqtay, bu kommunikatsion kampaniya ise – Qırım meselesi bar olğanını unutmamızdan ilâcdır”, - qayd etti Bariyev. Bundan da ğayrı, o, er kesni fevralniñ 26-da saat 14:00-de Nebesna sotnâ Qaramanları alleyasında başlanacaq Birlik Marşına qoşulmağa qoşulmağa davet etti.

Tedbir ketişatında Rusiye işğaline Qırım qarşılığı Kününe (fevral 26) bağışlanğan bordlarnıñ makerleri, “Repressiyalar” ve “Yabancı studentler közlerinen Qırım işğali” videoleyhaları taqdim etildi. “Global Ukrainians” ağınıñ halqaqa diplomatlarınen yurt tışında şirket kontenti qullanılması ile fleşmoblar keçirilecek.

Press-konferentsiyada iştirak etti: Emine Ceppar – Ukraina haber siyaseti Naziriniñ Birinci muavini; Eskender Bariyev – Milliy Meclis azası; Anatoliy Solovey – Ukraina tış işleri Nazirliginiñ halq ögünde keçirgen diplomatiyası idareliginiñ başlığı; Valentına Pavliçenko – kopirayter, RAM 360 agentligi.

Malümat olaraq: “Qırım – bu, Ukraina. Ömürlik beraberlikte” kampaniyası çerçivesinde Ukrainanıñ eñ yahşı reklam agentliklerinden birisi “ADC*Ua”nen beraberlikte Qırım üzerinde halqara kommunikatsion kampaniya qurulmaqta. RAM360 taqımınen beraberlikte işlenip çıqarılğan, “Qırım – bu, Ukraina. 1096 kün qarşılıq” kommunikatsion kampaniyası iç Ukraina auditoriyası içün baqtırılğan ve Qırım içün küreşte qıta, yarımada ve ukrainler areketleriniñ birleştirüvi aqqında tarif ete. 


Cedvel