Facebook Telegram Twitter Instagram YouTUBE


Baş saife  >  Derc  >  Maqale ve çıqışlar  >  6 Saban ayı 2017, 15:03

Qırımğa yayınlav yañartuvı aqqında “Ukrinform” haber agentligine Nazirniñ intervyusı (28.02.2017)

“Radioteleberici stantsiya endi test rejiminde Qırımğa signal bere. Tolusınen o, yaqın zamanda çalışmağa başlaycaq”, - Y.Stets.

Qırım Rusiyenen işğal etilgen soñ yarımada sakinleriniñ ukrain tele- ve radioyayınlavınen teminlev meselesi pek şiddetli turdı. Çünki, Qırımnıñ işğalci akimiyetinen kontrol olunğan Krasnoperekopsk telequllesi tek yarımadanıñ şimeline degil de, Herson vilâyetiniñ de üç cenübiy rayonuna signal berüvini teminley.

Ukraina haber siyaseti Nazirligi 2015 senesi yapqan birinci adımlarından birisi – qırımtatar, ukrain ve rus tillerinde yarımada akinleri içün mahsus azırlanılğan yayınlar yaratılmasınıñ destegi oldı. Şu sırada Radio Svoboda Ukraina bürosı iştiragı ile yaratılğan yayınlar, Qırım Muhtar Cümhuriyetiniñ bir çoq rayonlarında qabul etile bilgen Ukraina radiosınıñ Birinci kanalı efirinde 549 kGts dalğalarında yayınlana ediler.

Qırımlılarğa ukrain FM-stantsiyalarına ve telekanallarına irişim bermek içün, Herson vilâyetindeki Geniçesk rayonunıñ, Qırımnen memuriy sıñırğa yaqın yerleşken Çonğaq köyünde 2016 senesiniñ dekabr 2-de radioteleberici stantsiyanı qoymağa başladılar.

Amma ne vaqıtta stantsiya çalışıp başlaycaq, nasıl rayonlarğa o signal berilecek ve Çongardan nasıl ilerideki yayınlav perspektivalar olğanını, “Ukrinform”ğa intervyuda Ukraina haber siyaseti Naziri yuriy Stets aytıp berdi.

- Yuriy Yaroslavovıç, evelden vaqtınca işğal etilgen yarımadanıñ şimaline signal berecek stantsiya 2016 senesiniñ soñunace qurulacağı planlaştırıla edi. O, çalışmağa başlağan soñ, biz em ukrain FM-radioyayınlavını, em de şimaliy Qırımda dijital televizionnı alırmız. O, tolusunen çalışmağa ne zaman başlaycağı tam bellimi?

- Hatırlatamız, Qırımğa yayınlav yañartuvı boyunca biz, Ukraina haber siyaseti Nazirligi yanındaki milliy televizion ve radioyayınlav sistemasınıñ stabil çalışması meselelerinden Komissiya çerçivesinde televizion ve radioyayınlav meselelerinden Ukraina Milliy şurasınen, Herson devlet vilâyet memurlığınen, televizion ve radioyayınlav meselelerinden Devlet komitetinen be başqa devlet institutsiyalarınen beraberlikte çalıştıq. Krasnoperekopsk radioteleberici stantsiyasına alternativa olacaq stantsiyasınıñ qurulışı HSN ve Milliy şuranen daa 2016 senesiniñ mayıs ayında planlaştırılğan edi. Bir yıl devamında esaplama ve Türkiye Cumhuriyeti, Romaniya ve Moldova kibi memleketlernen kelişik radiodalğalarnıñ halqara koordinatsiyası keçirildi.

Leyhanıñ bütün ciddiyligini añlap, Herson devlet vilâyet memurlığınıñ reberligi qurulışqa kelişken yerni qısqa zamanda tapıp, onıñ astına yer kirası aqqında qarar çıqardı. Çongar köyünde yañı qulle qurulışı 2016 senesiniñ martnıñ 2-de başlandı. Şimdi qulle endi qurulıp bitirildi ve onıñ test etilmesi başlandı. Stantsiya tolusınen endi yaqın zamanda çalışmağa başlaycağı planlaştırıla.

Çonğar leyhasınıñ kelecek etapı bir yıl devamında yañı radiostantsiyalar ve dijital televizionı işke kirsetilmesi olacaq.

- Stantsiyanıñ bazı tehnikiy hususiyetlerini seslendirmek mümkünmi? Nasıl rayonlarğa o yayınlaycqaq? Signal tarqatıluvınıñ radiusı nasıl?

- Yañı qurulğan qulleniñ yüksekligi 150 metrni teşkil ete, radiosignal tarqatıluvınıñ maksimal radiusı – 120-130 km, eminim qabul etüvi 80-ge yaqın km teşkil ete. Signal tarqatuvınıñ territoriyası: Herson vilâyetiniñ Geniçesk ve Novotroitsk rayonları, ve, bundan da ğayrı, Qırım Muhtar Cümhuriyetiniñ Cankoy ve Krasnoperekopsk rayonları. Bundan da ğayrı, signalnı baqzı manialarnen Krasnogvardeysk rayonunda, Qarasuvbazar ve Aqmescit rayonlarınıñ şimal qısmında qabul etmege mümkün olacaq.

Stantsiyanıñ tehnikiy imkânları kelecekte litsenziya alğan episi tele- radiokanallarnı translâtsiya yapmağa imkân berecek.

Keçken aftadan çonğar qullesi Cemaat yayınlavını translâtsiya yapa – Ukrain radionıñ Birinci kanalı. Milliy şuradan litsenziya alğan başqa radiostantsiyalar işke kirsetilüvge azırlana.

- 2016 senesiniñ soñunace teleradioyayınlavdav Milliy şura radiostantsiyalar içün dört dalğada bu qulleden yayınlavğa konkurs keçirmek kerek edi, Ukraina devlet radiodalğalar merkezi ise televizion içün dijital dalğanı belgilemek kerek edi. Yayınlavğa litsenziyalar endi kimge berildi?

- Televizion ve radioyayınlav meselelerinden Milliy Şura keçken seneniñ dekabr ayı soñunda dört radiodalğağa muvafaqiyetnen konkurs keçirdi. 100.7 FM dalğağa litsenziyanı “Ukraina radio”sı aldı; 101.4 FM-ge – yaqında qıtada öz yayınlavını tüzetken “Meydan” qırımtatar radiostantsiyası; 105.9 FM-ge – “Radio Qırım.Aqiqat” yañı Qırım radiostanstsiyası; 107.8 FM-ge – “Herson FM” yerli radiosı.   

Çongardaki radioteleberici stantsiya, Herson vilâyetinde teleradioyayınlav inkişafı ve 2016-2017 senelerine Qırım territoriyasına yayınlav teşkil etüvi Strategiyası planınen ögünden köz ögüne alınğan Herson vilâyetinde ilerideki dijital televizionnıñ inkişafı ve Qırım yarımadası territoriyasına radioyayınlav inkişafı içün temel olacaq.

- Subet içün sap oluñız.

Marına Sınğayivska

https://www.ukrinform.ua/rubric-politycs/2184187-urij-stec-ministr-informacijnoi-politiki-ukraini.html


Cedvel