Facebook Twitter YouTUBE


Baş saife  >  Derc  >  Haberler  >  2 Saban ayı 2017, 16:03

Yuriy Stets: “Men, böyle kommanda ile çalışqanımnen ğururlanam”

2017 senesi martnıñ 2-de Ukraina Nazirler Kabinetiniñ press-merkezinde Ukraina haber siyaseti Nazirligi Ükümette bir yıl içün esabat berdi.

Ukraina haber siyaseti Naziri Yuriy Stets: “Men öz kommandamnen ğururlanam, olardan er birisi öz işiniñ yonelişinde çalışa, bunı keyfiyetli becere. Bizim neticelerimiz bar: Ukraina haber telükesizligi Mezebi, ukrain yayınlavınen “beyaz lekeler” qısmını qapatqan 2 qoyulğan telequlle (Karaçün, Çongar), dünyağa Ukraina aqqında kerçekni açıqlağan Ukraina tış yayınlavı Mültimedia platforması. Bu, eminliknen “ğalebe” dep adlandırmağa mümkün olğan tek esasıdır”.

Birinci Nazir muavini Emine Ceppar: “Bir yıllıq iş devamında biz Qırım ve Donbass haber reintegratsiyasınıñ eki Kontseptsiyasını, içki yerleşken şahıslar Kontseptsiyasını, qırımtatarlar halq ögünde keçirgen diplomatiya Kontseptsiyasını işlep çıqardıq. Bu, üç auditoriyağa – Ukraina, dünya, vaqtınca kontrol olunmağan territoriyalarğa – baqtırılğan, belkemlik.”

Nazir muavini Dmıtro Zolotuhin Ukraina haber telükesizligi Mezebiniñ kirsetilmesi aqqında aytıp berdi: “Mezepte açıqlanğan strategik kommunikatsiyalar sisteması, cemiyetke bugünki künniñ haber çağıruvlarına cevap bermege imkân berecek”.

Nazirlikniñ Devlet kâtibi Artem Bidenko: “Ukraina tış yayınlavınıñ Mültimedia platforması kün-künden dünyada irişimli ola. UA|TV telekanalı dünyada kabel ağlarına kirsetilmesi aqqında 58n yaqın añlaqşmalar imzaladı. “Ukrinform” haber agentligi – jurnalistika standartları boyunca yayınlağan ve Ukrainada vaqialar aqqında aqiqatnı açıqlağan eñ yahşı haber agentligidir”.

HSN esabatınen tafsilâtlıca malümatnen mında tanış olmağa mümkün: /documents/87.html


Cedvel