Facebook Telegram Twitter Instagram YouTUBE


Baş saife  >  Derc  >  Maqale ve çıqışlar  >  1 Saban ayı 2017, 22:03

Yuriy Stets “Gromadske radio” yayınında separatist resurslarınıñ qapatılması aqqında

Deñişüvler bar, aqkimiyet organları bar, bunı ömürge keçirecek insanlar bar, - Haber siyaseti Naziri Yuriy Stets

Nazirlik, Ukrainada yasaq etilgen malümat tarqatıluvını meydanğa çıqaruv maqsadınen KHV ve internette umum irişimli resurslarnıñ nezaretini keçirecek. Bu, Ukraina haber telükesizligi Mezebinen ögünden köz ögüne alınğan. Bu aqqında Haber siyaseti Naziri Yuriy Stets “Gromadske radio” yayınında bildirdi. Yasaq etilgen malümat arasına Nazirlik, separatist ğayelerini tarqatqan resurslarnı kirsetti.

“Bu, suverenitetine zarar ketirgen şeyler, bu, separatist areketlerini tarqatqan resurslarnı kenişletüv. Bu, din davaları çezilmesine ait olğan şeyler”, - qayd etti Stets.

Separatist resurslarnıñ qapatılması yañı Mezep işke kirsetilmesi sayesinde mümkün olacaq.

“Konkret akimiyet organlarında açıq-aydın belgilengen vaazifeler yoq edi. Şimdi yahşı dialog bar. Bazı resurlar bar, olarğa süallerimiz peyda oldı. Qorçalayıcılar qoydıq, mahkemege muracaat ettik ve olarnı qapattılar”, - dedi Nazir.

Bundan da ğayrı, o, qoşqanına köre, yasaq etilgen haberlerni ameldeki ukrain, halqara qanunlar ve Ukraina Konstitutsiyası belgiley. Yuriy Stets qoşqanına köre, Mezepte içtimaiy ağlar aqqında ayrı qısımlar olmamasına baqmadan, olarnı internetniñ esas bölümleri kibi tanımaq kerek.

Nazir, birinci saytlar ne zaman qapatıla bilecek açıq-aydın belli olğan tarihlerini seslendirmedi, amma, bu protsseske mesüliyetli olğan insanlar endi bar olğanını qayd etti.

“Dmıtro Zolotuhin Mezepni ömürge keçirecek. Deñişüvler bar, aqkimiyet organları bar, bunı ömürge keçirecek insanlar bar. Bu, cemiyet ve media-uquqçıları iştiragı ile olmasını ister edim. Sadece “Facebook”qa kirip, siziñ fikiriñizce kimni qapatmağa kerek olğanı mevzusında sorav keçirgenimizni istemeyim”.

https://hromadskeradio.org/news/2017/03/01/ministerstvo-informaciynoyi-zakryvatyme-sayty-separatystiv


Cedvel