Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  20 Kiçik ay 2017, 17:02

HSN: Milliy televizion ve radioyayınlav sistemasınıñ stabil çalışması teminlenüvi meselelerinden Komissiya faaliyet neticeleri üzerinde esabat berdi

2017 senesi fevral 20-de Ukraina haber siyaseti Nazirliginiñ yanındaki Milliy televizion ve radioyayınlav sistemasınıñ stabil çalışmasıteminlenüvi meselelerinden Komissiya öz faaliyetiniñ neticesi üzerinde esabat berdi.

Press-konferentsiyanı açqanda, Ukraina haber siyaseti Nazirliginiñ Devlet kâtibi Artem Bidenko qayd etti: “Komissiyanen beraberlikte yayınlav yañartuvı meselelerien oğraşqan müessiselerge pek minnetdarmız: Ukraina telükesizligi hızmetine, Ukraina mudafaa Nazirligine, devlet vilâyet memurlıqlarına ve başqa müessiselerine. Olarnıñ areketleri ve donorlarnen bizim çetel ortaqlarımıznıñ yardımı sayesinde, ukrain signalınen örtüv haritasında “beyaz lekeler” azlaştı. Daa çoq qoşma imkânlar yaratmaq ve qalğan boşluqlarnı qapatmaq içün biz muzakerelerni devam etemiz”.

Televizion ve radioyayınlav meseleleriden Ukraina Milliu Şurasınıñ azası  Serğiy Kostınskıy esabat etti: “2015 senesiniñ mart ayında komissiya yaratılğanı zamanından, devlet maliyesi olsa da, olmasa da yayınlav inkişaf etti. Bu bizni bu sene de toqtatmacaq”.

Kostınskıyniñ sözlerine köre, soñki eki yıl içinde Donetsk ve Lugansk vilâyetleri alğan o qadar dalğalar sayısını iç bir vilâyet almadı: “Biz öz quvetlerimizni ATO keçirilüvi zonasında ve sıñır çizgisinde topladıq, şimdi anda, Ukrainanıñ başqa vilâyeterinen qıyaslasaq, dalğalar ve bericilerniñ büyük miqdarı buluna. Yayınlav içün dalğalarnıñ eñ büyük sayısını Cemaat yayınlavınıñ programmaları aldı. Daa bir müim berici şimdi sıñır çizgisinde “beyaz lekelerniñ” çoqusını qapatqan “Armiya FM”dir”. Komissiya faaliyetiniñ perspektivaları aqqında aytıp, Kostınskıy qayd etti: “Bu yılğa büyük planlarımız bar, olarnıñ arasında: ATO keçirilüv zonasında ve Herson vilâyetiniñ ğarbiy tarafında dijital televizionnıñ inkişafı, “sıñır çizgisinde” ve sıñır yanında radioyayınlavnıñ inkişafı, yañı qullelerniñ qurulışı ve “beyaz lekelerni” ukrain signalınen tolusınen qaplav”.

Vaqtınca zapt olunğan ve içki yerleşken şahıslar meselelerinden Nazir muavini Ğeorğiy Tuka 2016 senesi Komissiya faaliyetiniñ eki eñ büyük irişimi aqqında aytıp berdi – Karaçün dağında ve Çonğar köyünde teleradioberici qullelerniñ teminlenüvi: “Karaçünda stantsiya qurulışı, işğalcilernen bozuluvından evel olğan teleseyircileri ve radiodiñleyiciler auditoriyasınıñ sayısını tolusınen tüzetmege imkân berdi. Herson vilâyetine ve Qırım yarımadasınıñ şimaline yayınlav bermek içün Çonğarda qulle qurulışı – qurulış işleriniñ tezligi noqta nazarından rekord, şimdi anda tehnika sazlaması keçirile”. Bundan da ğayrı, Tuka bu yılı Komissiya faaliyetiniñ planları aqqında haber etti: “Herson vilâyetinde ve Qırım territoriyasına yayınlav inkişafı içün Çaplınka şeer şeklinde qasabasında qulleniñ 110 metroğa qadar yüksekleşmesi planlaştırıla. Bundan da ğayrı, ATO zonasında yayınlav tüzetilmesi ve inkişafı içün yerli büdjetlerden paralarğa Pokrovs şeerinde qulleniñ 69-dan 200 metroğa qadar yükseltilmesi ve Bahmutivka köyünde 150 metrolıq qulleniñ qurulışı planlaştırıla”.

Tedbirde iştirak etti: Artem Bidenko – Ukraina haber siyaseti Nazirliginiñ Devlet kâtibi, Ğeorğiy Tuka – vaqtınca zapt olunğan ve içki yerleşken şahıslar meselelerinden Nazir muavini, Serğiy Kostınskıy – televizion ve radioyayınlav meselelerinden Ukraina Milliy Şura azası.

Hatırlatamız, 2016 senesi oktâbr 21 künü HSN yanındaki yayınlav yañartuvı meselelerinden Komissiyanıñ yañı terkibi tasdıqlandı. Böyleleiknen, HSN yanındaki milliy televizion ve radioyayınlav sistemasınıñ stabil çalışması teminlenilmesi meselelerinden Komissiyanıñ başlıqlarınen Ukraina haber siyaseti Naziri – Yuriy Stets, vaqtınca zapt etilgen territoriyalar ve içki yerleşken şahıslar meselelerinden Nazir – Vadım Çernış, televizion ve radioyayınlav meselelerinden Ukraina Milliy şurasınıñ Başlığı – Yuriy Artemenko tayinlendiler. 

 


Cedvel