Facebook Twitter YouTUBE


Baş saife  >  Derc  >  Haberler  >  21 Kiçik ay 2017, 14:02

Ükümet, Dmıtro Zolotuhinni Ukraina haber siyaseti Naziriniñ muavini olaraq tayinledi

2017 senesi fevral 21 künü, Ukraina Nazirler Kabinetiniñ toplaşuvı vaqtında, Dmıtro Zolotuhinni Ukraina haber siyaseti Naziriniñ muavini olaraq tayinlemege qarar çıqarıldı. 

Dmıtro Zolotuhın Ukraina haber siyaseti Nazirliginiñ yanındaki Ekspert Şurasınıñ kâtibi edi, 2015 senesi oktâbr 28-de Ukraina Nazirler Kabinetiniñ toplaşuvında qabul etilgen ve soñra 2016 senesi dekabr 29-da Ukraina milliy telükesizligi ve mudafaa Şurasınıñ toplaşuvında alğışlanğan Haber telükesizliginiñ Mezebi işlenip çıqarılmasınen oğraştı, media-savat ve açıq malümat menbaalarınen iş  saasını inkişaf etip, cemaat bölüginde çalıştı, milliy telükesizlik organlarında çalışma tecribesi bar.

Ukraina haber siyaseti Naziri Yuriy Stets tefsir etti: “Nazirlikniñ üstün vazifelerinden birisi – bizim devletimizniñ haber telükesizligini qoruv, şu sebepten biz bir sıra sistem qararlarnı Haber telükesizligi Mezebiniñ ömürge keçirilüvine azırlaymız. Dmıtro – HSN yanındaki Ekspert Şurasınıñ yaratılması vaqtında Nazirlik, cemaat temsilcileri vemedia-uquqçılar arasında bağ yaratqan insandır. Aynı bu, Ukraina milliy telükesizligi ve mudafaa Şurasınıñ toplaşuvında qabul etilgen tolu vesiqa yaratmağa imkân berdi. Onıñ içün, Mezep ömürge keçirilüvinden yonelişni bu vesiqa yaratılması üzerinde çalışqan mütehassıs reberlik etecegi mantıqiy”.

“Men içün ukrain halqına yañı vazifede hızmet etmege devam etmege büyük şereftir. Milliy telükesizlik saasında bilgili ve tecribeli olıp, bizim ögümizde nasıl qıyın vazifeler turğanını ve, haber meydanında bugünki qıyın çağıruvlarpa cevap berip ve Ukrainanıñ milliy telükesizligi quruluşında keçmege mümkün olmağan söz serbestliginiñ ve pressa serbestliginiñ “qırmızı çizgilerini” nezaret etmege ve aqılda tutmağa nasıl müim olğanını pek yahşı añlayım”, - dep tefsir etti tayinlenüvni Nazir muavini Dmıtro Zolotuhin.

Hatırlatamız, 2015 senesi mart ayında Dmıtro Zolotuhin haber telükesizligi meselelerinden Ukraina haber siyaseti Naziriniñ mesleatçısı olaraq tayinlendi. Mesleatçı vazifesinde Dmıtro Zolotuhinniñ esas vazifesi Ukraina haber telükesizligi Mezebi leyhasınıñ işlep çıqarılması ve Ukrainada media-savat yoneşiliniñ inkişafı oldı. 

 


Cedvel