Facebook Twitter YouTUBE


Baş saife  >  Derc  >  Haberler  >  3 Kiçik ay 2017, 19:02

ATO zonasında KHV vekilleriniñ çalışması ve Avdiyivkada yaralanğan Britaniya foto mühbiri aqqında HSN bildirmesi

Ukraina haber siyaseti Nazirligi, şimdi Avdiyivkada bulunğan ve öz yaşayışını telüke astına qoyıp, öz professional borcunı becergen – Ukraina Şarqında tınç ealige ateş açıluvı ve tecavuzcı memleket tarafından ateş toqtatuvınıñ bozuluvı aqqında dünyağa aqiqatnı haber etken episi jurnalistlerge öz teşekkürlerini bildire.

ATO zonasında çalışqan jurnalistlerniñ diqqatını celp etemiz – öz telükesizligiñiz içün ATO press-merkezinen bağ saqlamaq kerek – vaqtında marşrutlarnı, cografik yerleşüv yerlerini bildirip, iş vaqtında şahsiy qorçalama vastalarını mıtlaqa qullanmaq.

Acet olsa, yardımğa ATO zonasında Ukraina mudafaa Nazirliginiñ press-merkezine, +38 068 187 93 57 telefonu boyunca muracaat etmege çağıramız.

Fevral 2-de Avdiyivkada yaralanğan ve şimdi Dnipro şeerinde İ.İ.Meönikova adına vilâyet klinika hastahanesinde ameliyat keçirgen Britaniya foto mühbiri Kristofer Nann (Christopher Nunn) aqqında qayd etemiz – HSN Büyük Britaniya elçihanesinen ve Ukraina sağlıq qoruvı Nazirliginen daima bağ tuta.

Ukraina haber siyaseti Naziri Yuriy Stets: “Ukraina sağlıq qoruvı Naziriniñ vazifesini becergen Ulâna Suprunnen ve idarelikniñ başqa vekillerinen laf ettim, olar er saatte meni Kristofer Nannıñ alı aqqında haberdar eteler. Bilem, ekimler oña kerekli tibbiy yardım bermek içün küçlerinde olğanını yapalar. İleride bu meseleni öz nezaretimde tutacağım. Büyük Britaniya elçihanesiniñ vekillerinebildirgenim kibi, biz Ukraina territoriyasında bulunğan jurnalistniñ soy-aqrabalarına em teşkiliy, em de başqa yardım köstermege azırmız”.


Cedvel