Facebook Telegram Twitter Instagram YouTUBE


Baş saife  >  Derc  >  Haberler  >  25 Qara qış ayı 2017, 16:01

HSN: Çonğarda Qırımğa yayınlav içün telequlle qoyuldı

Bugün, yanvar 25 künü, Herson vilâyetindeki Çonğar köyünde teleradioberici ctantsiyanıñ qurulışı soñuna keldi. Yañı qulleniñ yuksekligi – 150 m, şimdi donatmalar montajı keçirile.

Bu aqqında Serğiy Kostınskıy, televizion ve radioyayınlav meselelerinden Ukraina Milliy şurasınıñ azası. Kostınskıyniñ sözlerine köre, fevral başından Perşıy kanala Ukrayinskoğo radio, Meydan, Radio KrımçRealiyi, Herson FM kibi ukrain radio stantsiyalarınıñ signalı Qırımğa da berilmege başlycaq. Nevbetteki basamaq – dijital televizionnı teşkil etmek.

“Qulle qurulışı 2 ayğa yaqın devam etti. Bütün başqa vaqıt, 9 ayğa yaqın, sayüvdan ve radiodalğalarnıñ halqara koordinatsiyasından işler, yer ayırıluv, radiodalğağa könkurs keçirilmesi oldı”, - dedi Kostınskıy.

Ukraina haber siyaseti Nazirliginiñ Devşet kâtibi Artem Bidenko bildirdi: “İnvestorlar ve Herson devlet-vilâyet memuriyeti küçünen ve devlet organlarınıñ birlikte yapqan işi sayesinde, Qırımğa yayınlav içün telequlle tez quruldı. Bu vaqia – yarımadanıñ muvafaqiyetli haber reintegratsiyasına yolda daa bir adım”.

Hatırlatamız, qulle qurulışı Herson vilâyetinde teleradioyayınlav inkişafı Strategiyasınıñ ömürge keçirilüvi ve 2016-2017 ss. Qırım territoriyasına yayınlav teşkil etüv çerçivesinde keçirildi. 2016 senesi dekabr 2-de Çonğar köyünde teleradiokommunikatsion qulle qurulışına birinci blok qoyulışı oldı. Qulle leyhası ömürge keçirilüvinde Ukraina haber siyaseti Naziri, Ukrainanıñ vaqtınca zapt olunğan territoriyaları meselelerinden Nazirlik, televizion ve radioyayınlav meselelerinden milliy Şura, Herson devlet-vilâyet memuriyetinde, Ukraina devlet radiodalğalar merkezi, Ukraina milliy Cemaat televizionu ve “Ukraina teleağları” investorı qatnaştı.

 


Cedvel