Ukraina haber siyaset nazirligi


Yuriy Stets: “Kelecek yılğa vazife – Lugansk ve Donetsk vilâyetlerinde üç yañı telequlle qurulması”

2016 senesi dekabr 5-de, Ukraina Prezidenti Petro Poroşenko, Ukraina haber siyaseti Naziri Yuriy Stets ve başqa devlet vekilleriniñ iştiragı ile Slovânsktaki Karaçün dağında telequlleniñ resmiy açıluvı keçirildi.

Yuksekligi 184,41 metr, örtüv radiusı ise 63 kilometrğa yañın olğan telequlleniñ işke kirsetilmesinden soñra Petro Poroşenko, 10 umummilliy ve 4 yerli telekanalnı yayınlaycaq teleradioqulleniñ işletüv ve kontroli odasında televizion bericilerniñ sazlamasınen tanış oldı.

Prezident Petro Poroşenko qayd etkenine köre, ukrain radio ve telekanallarınıñ yayınlavı, işğal etilgen Donetsk ve Lugansk vilâyetleriniñ sakinleri ukrain telekanallarını baqmağa imkânı olsun dep, Ukrainanıñ bütün territoriyasında tüzetilecek.

Ukraina haber siyaseti Naziri Yuriy Stetsniñ sözlerine köre, bu qulle işke kirsetilgenden soñ, Ukraina telekanalları ve radiostantsiyalarını işpal etilgen territoriyalarnıñ, şu sırada Ğorlivkanıñ da, sakinleri eşite ve seyir ete bilecekler.

“Kelecek yılğa vazife – Lugansk ve Donetsk vilâyetlerinde, Devlet büdjetinden para ayırıluvı şaraiti ile, üç yañı telequlle qurulması”, - qoştı Nazir.

Qayd etemiz, bugünki künde, RTPS işiniñ yañartuvından soñ, Donetsk vilâyetiniñ territoriyasında planlaştırılğan episi 14 analog kanallarınıñ televizion programaaları ve 13 radioprogrammalarınıñ retranslâtsiyası başlandı, bağ ağlarınıñ, yoldaş ve efir teleradioyayınlavınıñ tolu tehnikiy baqımı ve işke kirsetilüvi becerile. Hususan, metin şekilinde Donetsk vilâyetiniñ sakinleri içün “Perşıy natsionalnıy”, “İnter”, “TRK Ukraiyina”, “Novıy kanal”, “1+1”, “STB”, “5-ci kanal” ve başqaları irişimli.

Hatırlatamız, Ukraina haber siyaseti Nazirligi ATO zonasında daimiy nezaret keçire. Bu maqsatnen anda, Nazir muavini olğan Oleksandr Brığınetsniñ (Ukraina halq deputatı) reberligi altında nezaret missiya çalışa. Nezaret neticesinde alınğan analitik malümatlar, bar olğan meselelerniñ çezilüv yollarını muzakere etken Yayınlav yañartuvı meselelerinden Komissiya baquvına yollanıla. HSN ise bunıñ esasında qanun çıqarıcı teşebbüsler kitsete. Bu, bütün meraqlanğan devlet organları iştiragı ile ukrain yayınlavı tüzeltüvi yonelişinde doğru adımlar yapmağa imkân bere. 

[an error occurred while processing this directive]