Facebook Twitter YouTUBE


Baş saife  >  Derc  >  Haberler  >  5 Qural ay 2016, 14:05

İSN 1944 senesi qırımtatarlarnıñ sürgünligine bağışlanğan kommunikativ kampaniyanı teşkil etti

Mayıs 5 künü 2016 senesi "Ükrinform" MM Ukraina informatsion siyaseti Nazirligi mayıs 18 künü 1944 senesi olıp keçken sürgünlikke bağışlanğan "Mayıs 18 künü biz epimiz qırımtatarlarmız" kommunikativ kampaniyanı teşkil etti.

1016 senesiniñ kampaniyası "Men genotsidni yaşadım" şiarı astında keçecek. Onıñ maqsadı ise ukrainliler ve halqara cemiyetni 1944 senesi qırımtatarlar yaşağan facianı bütün dünyağa tanıttırmaqtır.

Ukraina informatsion siyaseti Naziriniñ birinci muavini Emine Ceapparnıñ sözlerine köre, bugün yarımadada qırımtatarlarğa qarşı kene genotsid siyaseti alıp barıla, onıñ maqsadı ise – milletniñ ğayesini, saadece Qırımda inkişaf etecek yolnı bozmaqtır.

"Qırımtatarlarnıñ tarihında 3 qara leke bar: birincisi – 1783 senesi anneksiyası, o zaman ealeniñ üçten bir qısmı basqılardan qorqıp, yarımadanı terk etti; 1944 senesi sürgünligi sayımıznı bayağı eksiltti ve bizni Vetanımızdan marum qaldırdı; 2014 senesiniñ anneksiyası gibrid cenki şaraitlerinde milletimizni genotsidge oğrata", - dep qayd ete Emine Cappar.

Onıñ fikirine köre, kommunikativ kampaniyası birinciden qırımtatarlar aqqında bilmege istegen ukrainliler içün çalışmaqta.

"Ukrainliler ve qırımtatarlar arasında çoq yaqın taraflar bar. Milletlerimizniñ qanında genotsid hatırlavları bar. Açlıq ve sürgünlikni tek rejim alıp bardı. Onıñ maqsadı – qırımtatarlar ve ukrainlilerni birleştirgen serbestlikni yoq etmektir",- dep qayd etti Capparova.

Qırımtatar milliy Meclisniñ azası ve "QHA" informatsion menbaasınıñ baş muarriri Gayana Yükselniñ sözlerine köre, 1944 senesi qırımtatarlarnıñ evlerine kelgen facia bugün de tekrarlanmaqta. "1944 senesi ve 2014 senesiniñ sürgünligi – bu uydurılıp çıqarılğan bir vaqia degildir. Bu kerçektir, milletimiz bu kerçek içinde yaşamaqta". Gayana qayd etti ki, qırımtatar milliy Meclisi Ukraina akimiyeti ile birlikte qırımtatarlarnıñ sürgünligine bağışlanğan bir sıra tedbirlerniñ keçirilmesini planlaştırdı, olarnıñ bir qısmı ise "Mayıs 18 künü epimiz qırımtatarlarmız" kampaniyanıñ keçirilmesidir.

Tarihçı, telealıpbarıcı Gülnara Abdulla tarihke dalıp, qırımtatarlarnıñ genotsidi kene tekrarlanğanını kösterdi. "Sürgünlik, tabiy ki, qırımtatar milleiniñ tarihında eñ facialı saifelerdendir. Bu miletniñ fizikiy ve moral ölüdürilüvi oldı."

Bugün qırımtatarlarnen olıp keçken vaqialarnı baqsaq, umumiy noqtalarnı tapmaq mümkündir: sürgün etmege imkânsız, amma bua baqmadan, milletke qarşı basqılar yapıla. Rusiye qırımtatarlarnı sürgün etip olamağanına baqmadan, onı yarımadadan quva.

Ukraina Yuqarı Şurasınıñ Uquq bölüginiñ reberi Böris Babinniñ sözlerine köre, "Sürgünlik alâ daa devam etken bir faciadır, şahsen men meseleni sürgünlikni yaşağan insanlarnıñ tecribesine esaslanıp, ögrenmege isteyim, olar "1944" sürgünliginiñ şaatları olıp, facianıñ müelliflerini cezamaq içün isbatlarnı berecekler".

Kommunikativ kampaniya videorolikler, billbordlar ve fotosergiden ibaret.

Tedbir çerçivesinde bord kampaniyası ve videolevhalar taqdim etildi, olarnıñ episi televideniyede kösterilecektir. Ukraina informatsion siyaseti Naziriniñ birinci muavini Emine Cepparnıñ sözlerine köre, qırımtatarlarğa bu facialı vaqianı hatırlamağa yasaq eteler, 23 yıl devamında ötkerilgen ve an-anege çevirilgen mitingke çıqmağa yasaq etildi. "Bu tarih kerçekten de qırımtatarlar içün çoq müim. Rusiye akimiyeti ise hatıranı silmege tırışa. Olar temelimizni teşkil etken hatıralarnı silmege mecbur ete".

Bundan da ğayrı, çetelde de bir sıra tedbirlerniñ keçirilmesi planlatırıla: Turkiye, Kanada, Amerika, Almaniya ve Avropanıñ diger devletlerinde, qırımtatarlar yaşağan yerlerde zapt etilgen Qırımdaki vaqialar nezaret etile.

Tedbir iştirakçileri: Emine Ceppar – Ukraina informatsion siyaseti Naziriniñ Birinci muavini; Böris Babin – Ukraina Yuqarı Şurasınıñ qanunlar İnstitutı bölüginiñ reberi, uquq ilimleri doktorı, professor; Gayana Yüksel – qırımtatar milliy Meclisniñ azası, QHA internet menbaasınıñ baş muarriri;  Gülnara Abdulla – tarihçı, telealıpbarıcı.

 

Fotolarnı nevbetteki tezkere boyunca körmek mümkün:  http://files.mip.gov.ua/files/perejiv_genocid/prev/

videolar http://files.mip.gov.ua/files/27.04.2016/

logіn mip

parol mipmip

 


Cedvel